嚟到年尾零舍多成人頒獎禮，每年都講，講完大家都冇印象嘅NightMoves Awards，無聲無色又完咗喇！咁點解仲講？因為已經嚟到第27屆，喂，家陣可以安然無恙活到27歲都甚困難，何況NightMoves Awards從來都係無「大台」支持下營運，算超額完成，值得欽敬啦？
巴打又唔好以為佢哋好窮，為咗經營搞個頒獎禮呃飯食，其實佢哋盤生意係正數，頒獎禮純粹為谷起母公司本鹹書《NightMoves Magazine》啫。《NightMoves Magazine》喺當地好受色情中人支持，事關佢哋深入淺出報道業界行情、介紹各大夜場活動、深情專訪大小脫星日常生活。因此四仔迷唔Buy，行內人都勁撐，好似今個頒獎禮，對比其他大型頒獎禮嘅一線巨星係少咗啲，但新人同輩份高嘅脫星都有出席，娛樂性都唔失禮。唯一令人難以接受嘅係，NightMoves Awards所有獎項都同時分為粉絲公投（Fan's Choice）及編輯之選（Editor's Choice），例如最佳女演員獎，新人Avi Love係Fan's Choice，而Romi Rain係Editor's Choice，對粉絲嚟講當然唔介意，但係得獎者嘅獎項要同人瓜分，究竟開心定唔開心好呢？