睇得日本AV多，總會識得一兩個單詞，而其中一個就係「イク」。呢個AV男優都必講嘅詞語，估唔到原來喺現實中竟然係講又唔啱，唔講又唔啱嘅詞語。等等……大家知唔知「イク」係乜嘢意思呢？
睇過日本AV嘅男士，都會留意到男優喺發射升空臨界點一刻，會同女優講：「イク！」（讀音：Iku），其意思係：「我要去了！」亦即就嚟發射升空咁解。事實上，唔少日男會喺發射前一刻講出呢個詞語。日本綜藝節目《月曜夜未央》（月曜から夜ふかし）早前訪問咗三位羅馬尼亞女士，點睇日男呢個習慣，當中一位曾同日男拍拖嘅女士就話，發覺日男士喺啪啪啪時好鍾意「イク、イク」咁嗌，而當時佢就諗日男想去邊呢？搞到勁尷尬。其實日男有呢種習慣並唔奇怪，因為曾經有個關於性愛習慣嘅調查發現，唔少日女最討厭日男唔出聲就發射升空，亦有日女討厭日男講極「イク」都唔發射，另外有日女討厭對方以AV男優語氣大叫：「我要去了！」覺得好破壞氣氛喎。
睇寫真女優梗係唔可以唔睇心口，咁今年日本寫真界嘅新進女優，有邊個心口勁有睇頭呢？早前日本有男士雜誌以巨乳及出道一年嘅寫真女優為前設，再按日本相撲嘅分級制，搵出東西軍橫綱及其他等級嘅代表性女優。先同大家補充一下，橫綱係最高嘅等級，跟住落嚟就係張出橫綱，既然係睇巨乳新進寫真女優，梗係睇呢兩個級別。由於排名中冇西張出橫綱關係，故此先從東張出橫綱開始，佢就係今年8月道，身高151厘米卻有對35J巨乳嘅伊織愛緒（伊織いお），跟住係西橫綱嘅 Momose Momo（ももせもも），而佢對車頭燈絕對堅巨，45K！呢個Cup數肯定雄霸現時所有新進寫真女優！最後係東橫綱，佢就係唔單止勁索，仲有一對39H巨乳嘅千歲佳乃（ちとせよしの），波濤胸湧真係難揀呀！
早前報道過唔少日本女性最愛女僕服Cosplay啪啪啪嘅調查，而事實上女僕服對唔少日本男士同樣有極大嘅魔力。既然女僕服咁多人鍾意，難怪家陣有套超性感嘅透視女僕服喺日本網上搞眾籌。呢套正係日本眾籌網站Campfire眾籌嘅女僕服，由索女時裝設計師立花美利香設計，套衫嘅最大特點，係成套都以透視物料製成，着咗後內裏嘅胸圍同底褲便會若隱若現，性感度爆燈。不過講到呢個眾籌活動嘅另一個賣點，更在於立花美利香搵嚟佢嘅親家姐立花繭子做產品示範模特兒。立花繭子喺Cosplay界勁有人氣，皆因佢唔單止樣甜身材勁，最傳奇就係佢高中時身材略胖兼相貌平平，點知家陣竟變成索女。眾籌目標為50萬日圓，睇嚟唔難達標，大家有冇興趣入手呢？
撰文：魂