安全性行為嘅重要性唔講都知，只係用完嘅避孕套又應該點處理呢？有位男網民就話因為同女友對處理方式嘅睇法唔同，搞到冇晒心機去做。佢話：「其實以前嘅處理方法，不嬲都係丟落坐廁度沖走，一來當時我喺佢屋企或我屋企必然喺廁所度做關係，用完就沖唔單止方便，而且唔怕畀屋企人發現。最近我哋搬咗出嚟同居，佢唔知做乜嘢突然彈我話咁做唔啱，叫我掉落垃圾桶好過。佢嘅理由係個套會沖出大海污染海洋，又話會塞廁所咁話。我就奇嘞，因為個套係用可降解物質做嘅，唔怕會唔溶，而塞廁所嘛，我屋企係唐樓，咁舊都未試過塞。反而我覺得掉喺垃圾桶度，感覺會好唔衞生，因為屋企唔係日日掉垃圾。結果為咗呢個問題，搞到已經有成兩個幾禮拜冇行埋。其實大家有冇遇過咁嘅問題呢？同埋你哋會用乜嘢方法處理？」