乜嘢叫做服務？其實唔使先生前先生後稱呼，或者半跪喺度招呼，只要做多少少嘢，令客人玩得開心之餘，仲對個場有好感，呢啲先叫做真正好服務囉！
話說早幾日同成班朋友一齊過澳門桑拿場玩，入場後朋友A不嬲鍾意玩手機，自然手機隨身，當時經理同技師都已經提過佢幾次，離開時記得要拎手機。不過人就係咁，愈講就愈唔在意，結果離開桑拿場兼行咗三條街後，佢至發現漏咗部手機，於是我哋急急腳走返轉頭，途中朋友B就話部手機冇硬，又話以前試過喺內地場，一分鐘衝返去就已經冇咗部機，搞到朋友A面都青晒，因為佢啲客戶資料喺晒手機度，見佢淆晒底，我就話個場出名有口碑，一定唔會攞咗部手機，但係朋友B堅持唔相信。
回到桑拿場，前台認得我哋就搶先問：「你哋係咪漏咗部手機呀？」跟住個經理就拎咗部手機出嚟，叫朋友A檢查一下，然後經理就話其實佢頭先衝落樓諗住拎部手機畀我哋，點知我哋行得太快追唔切。嗱！就係憑住呢種路不拾遺就已經夠抵讚，贏晒分啦！