呢本書名叫《Best Women's Erotica of the Year Vol.5》，封面黑麻麻，連事業線都冇條，如果你睇完封面後卻步，錯失嘅興奮係有錢都買唔番呀！由喺情色文學界屢獲殊榮嘅女作家Rachel Kramer Bussel著作，全書廢話唔多，一嚟就開波，集合不同階層及年齡層女性角度出發，帶領讀者進入一個女性性幻想和慾望世界嘅荒誕之旅，故事圍繞從床上三人行到多P派對、戀物癖、素未謀面嘅蒙眼玩意等，世俗上所有道德都唔會喺書內搵到。至於高潮位並非啪啪啪有幾激烈，反而係作者描寫參與者嘅心理反應，既想忘我地瘋狂一次，同時擔心對手熱度不同，輪到對方發力，內心又有不服輸精神，心理高高低低，經已忘記交歡嘅初心，如果你需要逃離日常生活煩憂，呢本書適合你。