唔少人都鍾意將唔公平呢三個字掛喺嘴邊，乜嘢都要追求公平，之不過呢個世界本身就係咁唔公平，好似有啲女人天生擁有迷人樣貌同玲瓏浮凸嘅身材，並且散發出獨特嘅氣質，好似南韓模特兒李有恩正係最佳人辦。
若然一位女性同時擁有美貌、身材同氣質，大家都會覺得佢天生就係模特兒嘅材料，但估唔到索女李有恩最初嘅夢想竟然係想成為重型貨車司機，佢話細個時覺得重型貨車相當有型，加上佢性格男仔頭，所以希望能夠一嘗揸重型貨車嘅滋味。後來經一位攝影模特兒朋友推薦，佢便一邊讀書一邊兼職做模特兒。
對於性格豪爽嘅李有恩嚟講，喺鏡頭前要好斯文咁擺甫士，最初佢感到唔習慣，後來慢慢培養出對模特兒工作嘅興趣，更憑住出眾嘅外形及爽朗嘅個性，好快喺業界冒起。喺工作中獲得滿足感嘅佢，決定繼續做落去，並努力學習點樣成為一位稱職嘅模特兒，畢業之後，亦即係2007年正式加入模特兒界，成為一位職業Model。
經過事務所嘅安排，佢最初主力做攝影模特兒，而喺呢方面佢經驗豐富，加上工作態度認真，好快便打穩基礎，因此事務所決定讓佢以車模身份喺首爾國際汽車展演出，首次喺公眾場合登場，憑住亮麗嘅外形加上火辣嘅身材，令佢不但成為展場上嘅焦點，更吸引唔少人打聽佢嘅資料，而呢次成功嘅演出亦奠定佢喺模特兒界嘅地位。
自處女演出成功後，李有恩便頻頻化身成車模喺多個車展上亮相，甚至殺出南韓喺其他國家舉辦嘅車展站台，可以話佢已經成為南韓首屈一指嘅模特兒。如果覺得咁樣仲未算勁嘅話，2008年喺南韓舉辦嘅超級賽車女王比賽中，佢獲得超級賽車女郎獎，足以證明實力強橫。
同好多南韓模特兒一樣，隨住喺車模界嘅人氣愈嚟愈高，李有恩亦唔甘於只以車模作為唯一嘅演出平台，及後佢便踩入賽車場成為賽車隊伍嘅賽車女郎，性感嘅造型固然迷人，加上胸前嘅深溝，試問點可能唔成為賽場上嘅焦點呢？如此性感又吸睛登場，令佢成功喺賽車女郎界登陸，同時被賽車隊伍睇中，搵佢做車隊嘅專屬賽車女郎。與此同時，佢又開始以Show Girl身份出現喺電玩展及電競比賽之中，估唔到呢份工作竟然成為佢事業嘅轉捩點，事關佢起初覺得以Cosplay扮相喺電玩展上亮相，同自己嘅性格唔配合，卻估唔到外界嘅反應出奇地好，令佢喺網上嘅人氣極速飆升，最重要係當佢見到自己嘅Cosplay扮相後，竟然愛上咗Cosplay活動，甚至曾經以Cosplayer身份參加電玩及動漫展。
性格堅毅嘅佢面對極大嘅工作壓力，仍然逼自己努力面對，不過佢始終係一個人，喺長期繃緊嘅工作壓力下，都有崩潰嘅一日，結果2013年時佢大病一場，喺養病期間，佢反思自己嘅工作，發覺如果想繼續喺呢行發展，一定要識得畀自己一個休息空間，因此病愈之後佢唔再以戰線全開嘅方式工作，反而集中車模及Show Girl演出，從而畀自己更多生活空間。
簡介：李有恩最迷人嘅地方，除咗樣貌同激凸雙峰之外，一對美腿同樣相當吸引，不過佢就話一啲都唔覺得自己對腳有魅力，反而認為自己嘅膊頭最性感，唔知大家認唔認同呢？如果大家想了解佢多啲，就要Click入呢個網站喇！
網址：http://cafe.daum.net/yu-eun
出生地：首爾
身高：171cm
三圍：34、23、34
撰文：魂