江山代有人才出，一代新人換舊人，日本寫真界經歷多年，總會有新舊交替。以新生代寫真妹為例，當中出現唔少被稱為經典女優嘅繼承人，好似今日同大家見面嘅大和田南那就係其中之一喇。
如果大家唔善忘，應該會記得早前介紹過一位新進寫真妹叫做川村那月，呢位俏麗高挑美人兒係賽車女郎出身，近期積極進軍寫真界，因為樣子同篠崎愛非常相似，所以被認為係愛妹嘅繼承人，又被稱為長腿版篠崎愛；至於大和田南那就係被譽為另一位經典寫真妹磯山沙也加嘅繼承人喇！
今年19歲嘅大和田南那氣質清純秀麗，可愛又天真嘅笑容令人感到窩心暖意，的確係同以童顏聞名嘅磯山沙也加感覺相似。此外，南那亦同沙也加一樣身段誘人，不過有一點唔同嘅係南那嘅身材比較纖巧，雙峰則飽滿白滑又彈性十足，對於寫真迷嚟講，絕對係一位小辣妹！
2013年南那參加面試而成為AKB48第15期嘅成員，而當年日劇《半澤直樹》大受歡迎，當中嘅大奸角叫大和田曉，阿妹嘅姓氏跟佢一樣，因而被受關注令人氣急升，不過南那嘅可愛魅力沒法擋，觀眾當然唔會討厭佢，亦唔會將佢同大奸角嗰副冷血又狡詐嘅衰樣扯上。翌年，南那亦有機會主演電視劇《水手服殭屍》，直到2017年從AKB48畢業後作個人發展，星途一片光明，繼上年首次參與電影演出之後，最近又參演電影《約束之時間》。
另外，南那早前飛到去夏威夷取景拍攝首本個人寫真集《りすたあと》，鐵定於9月推出，為慶祝20歲生辰之餘，亦代表阿妹正式進軍寫真界，大家有眼福喇！
簡介：大和田南那近期為電影做宣傳以及拍寫真，工作相當忙碌，如果大家想緊貼其最新動向，咁就要留意佢嘅社交網喇。
網址：https://twitter.com/nana_owada728
撰文：賢