網絡用語「漢子婊」大家知唔知點解？呢個出於女友群口中嘅詞語，專門形容一啲平日以男仔頭性格自居，然後埋佢哋男友身邊兼意有所圖嘅女子。點解無啦啦要解釋呢個用語？早前有女網民稱男友有個老死女性朋友，其實係「漢子婊」，佢話：「我就稱呢個女人做T啦！平心而論，佢嘅外形同身材都唔錯，只係行為好似男人咁粗魯，經常搭晒膊頭同我條仔傾偈，着短裙又鍾意擘大對腳，我同佢講話走晒光，佢就話冇所謂，而男友就同我講話就算T剝晒衫都冇興趣睇。T竟然即刻將條裙拉起露底，嗌我男友睇，我即刻扯火，男友竟然話我小題大做。雖然佢都有氹番我，但我想講係直覺話我知，呢個『漢子婊』絕對唔係想同我男友做兄弟咁簡單！」