雖然話一白遮三醜，但係一身黝黑古銅膚色，其實亦相當具吸引力，好似被稱為「日本寫真界黑鑽石」嘅美人兒橋本梨菜咁，出道以來一直都係以古銅色肌膚而聞名寫真界，加上樣子嬌俏可人，精靈又夠醒神，更重要嘅係身材激凸誘人，令人氣與日俱增，就算話佢係新一代寫真天后亦唔過分。
最近梨菜飛到夏威夷盡情玩樂一番，從其社交網中除咗見到佢喺優美嘅海灘玩得相當奔放，亦見到佢喺教練嘅指導之下大玩滑浪板瑜伽，阿妹仲表示玩咗咁多戶外運動，被猛烈陽光搞到肌膚又再黑啲，但係身材就變得更加弗同結實，不過梨菜本身已經身材火辣誘人，就算唔做瑜伽，相信佢換上比堅尼一樣可以揮低海灘班金髮美人。
網址：https://twitter.com/rinasketch?lang=ja