科幻兔女郎

唔知大家仲記唔記得日本嘅人氣漫畫《GANTZ殺戮都市》呢？自2000年7月開始連載，及至2013年6月完結，2011年1月被拍成電影，以兩部曲形式公映。除咗故事夠懸疑之外，女主角之一嘅下平玲花更係大受歡迎，即使漫畫已經完結，但係人氣未減，其模型長出長有。至於呢件最新登場嘅模型，為咗帶畀粉絲新鮮感，以超性感嘅兔女郎造型登場，不論性感度定觀賞性都相當令人興奮。

下平玲花喺漫畫中係一位巨乳偶像歌手，今次佢以兔女郎Look示人，巨型心口絕對係焦點。事實上，配上一套超低胸兔女郎服嘅佢，一對巨乳有呼之欲出嘅感覺，胸前嘅深溝更係惹人遐想。

此外，模型嘅另一個焦點莫過於玲花一對絲襪美腿，黑色嘅魚網絲襪加上白滑美腿，誘惑度爆晒燈！從後面睇，更會發現展露出渾圓美股，絕對夠晒觀賞性。亦不得不讚原型師嘅用心製作，玲花手持嗰把霰彈槍及機械兔耳，手工相當精細。