二十到尾仲索啲

以前好多女仔都認為年紀就快到30歲可能會變到年老色衰，對於異性嘅吸引力會大大減少，但係家陣好多例子擺在大家眼前，證實女性年過30、40歲，甚至係60歲依然美艷動人，即將面對30歲關口嘅道重沙由美比起以前十幾歲嘅時候更加有魅力。沙由美出道至今已經有15年喇！佢喺13歲嘅時候就開始以早安少女組成員身份四出登台，由於生得俏麗可愛，唱歌、跳舞、演戲都相當在行，再加上非常有觀眾緣，令沙由美成為近十年來早安少女組最具代表性嘅成員之一！2013年10月12日沙由美更加刷新由第7代隊長新垣里沙所保持嘅最長在籍紀錄，成為早安少女組當中在籍時間最長久嘅成員，不過阿妹相信都知道唔能夠一直都留喺組合，所以喺2014年決定畢業。然而，沙由美畢業後休息咗兩年，先表示自己會繼續留喺演藝界發展，最近仲推出一本紀念自己踏入二十到尾嘅寫真集《DREAM》。從寫真集當中可以見到沙由美比以前更加氣質迷人，而且身材仲纖巧咗，皮膚又白滑咗，更難得嘅係沙由美脫離咗早安少女組唔使再顧及形象，故演出時露出度更高更具挑逗性。另外，呢本寫真集取景之地除咗有景色優美嘅日本河口湖，仲包括美國洛杉磯，足見製作相當認真。