出嚟打工之後，相信各位打工仔都了解到「識人好過識字」呢個道理，好多人讀書唔多，但就因為同公司老闆或高層有親戚關係，就算唔係特別高人工又或者權力特別大，公司裁員都一定唔會輪到佢，你話有個好碼頭泊吓係幾咁重要呢！最近日菜菜彩音就泊到好碼頭，認真值得恭喜呀！21歲嘅日菜菜彩音上年出道成為AV大廠S1嘅專屬女優，外形俏麗又斯文，身材婀娜又迷人，加上演出時表情夠肉緊又夠慘烈，唔少AV迷都好鍾意佢。之不過，早前彩音表示自己嘅AV女優身份面臨被屋企人識穿，而且仲被AV事務所剔除於名單之內，後來阿妹仲將一直有用開嘅社交網站刪除，所以好多AV迷都擔心彩音會就此消失。好彩彩音最近終於重新開設社交網站向大家發布新消息，當中提及到現時轉投到Mine's AV事務所，公司旗下女優包括有小島麻奈美、紗倉真菜等名牌女優。另外，彩音最近通過面試，獲挑選為知名女團惠比壽麝香葡萄1.5其中一位研究生，睇嚟未來彩音將會有好多曝光機會，所以彩音今次可以話泊到兩個好碼頭喇！