優雅和服娘

對於日本人嚟講，和服唔單止係禮服嘅一種，更能展現出女性嘅美態，如果由一位人氣動漫美少女穿着嘅話，效果又會點呢？呢位身穿優雅和服嘅美少女由比濱結衣，嚟自2011年3月發行嘅超人氣輕小說《果然我的青春戀愛喜劇搞錯了》。呢本曾經喺日本創下銷量超過700萬本佳績嘅人氣作，於2013年推出動畫版，而作為當中人氣美少女角色嘅由比濱結衣，唔單止憑住清爽嘅髮型大受粉絲歡迎，其玲瓏浮凸嘅身材，更係極之養眼。

今次由比濱結衣以優雅嘅和服造型登場，大家細心留意嘅話，會發現佢身上套和服設計認真一流，不但保留原作中嘅神髓，和服上嘅花紋更係相當細緻，絕對係個精彩嘅作品。不過作為養眼嘅模型，焦點自然會落喺結衣嘅心口上，半露巨乳固然迷人，而胸前深溝更係令人心跳加速，配合跌膊嘅設計，誘惑度大大提升，引爆男士嘅邪念！此外，和服下展露出一對修長美腿，同樣吸睛度極高，若然能夠加埋可剝衫嘅設計，相信會更加好。

全高：約160mm