醜事傳千里真係等於唔好？但現實係愈醜愈有機噃！嗱，Stormy Daniels同「老特」單性醜聞事件發酵到今日都仲未爆完，男方有冇受影響冇人想理，但Stormy Daniels幾時爆大鑊就人人期待啦！單料真假都無所謂，花生友淨係想聽鹹古，但未爆鑊勁之前，細佬見到Stormy Daniels已發過豬頭囉！唔係咩，由Stormy Daniels第一次開口話收咗支票至今，四仔廠即時重用佢做四仔女主角，又搵佢做導演拍片，仲有大大小小嘅夜場騷，連著名男士雜誌都搵佢拍寫真，內頁專訪仲話會爆更多相關細節。今日Stormy姐連視頻網都撈埋，同網站「Camster.com」簽獨家合約，即係話巴打想喺其他網站同Stormy姐吹水都唔使諗。喂，40歲熟女今日再度爆紅，你夠膽話唔係醜聞幫咗佢，所以做人千祈咪怕醜，最怕人哋唔睇你有幾醜咋！