神秘色慾村落

懸疑題材嘅十八禁遊戲，近年喺日本有冒起嘅趨勢，不過當中作品嘅質素參差，有啲過於側重劇情而令色慾感減少，有啲則勁灑鹽花而令劇情變得單薄，呢隻由開發商Clockup最新推出嘅成人遊戲《Erewhon》，質素又係點呢？雖然暫時未知遊戲性如何，但可以肯定畫質相當高，優美嘅人設更係令人期待。

故事講述男主角榆井田幸仁，偶然獲得一本備忘錄，佢根據當中記載嘅路線，來到一處喺地圖上並唔存在嘅神秘村落「來待村」。「來待村」係個遍布山茶花，被一片紅色花海包圍嘅村落，當幸仁踏入村後，竟然被村民稱做「御廻大人」，並獲得貴賓級待遇。據村長介紹，今年適逢係20年一次嘅特別祭祀，按傳統每次都會有位「御廻大人」出現，更準備兩位培育咗20年，被稱為「齋者」嘅少女輪流服侍。看似艷福無邊嘅「御廻大人」生活，原來當中暗藏一個秘密，就係村內盛行凌辱女性，而階級制度分明嘅村落，更係經常對地位低嘅女性施以辣手，對於心地善良嘅幸仁嚟講，能否改變呢個局面呢？

開發商：Clockup