每位日本成人漫畫家嘅作品主題上，都有自己嘅一種偏好，有啲鍾愛戀愛題材，有啲傾向創作凌辱主題，至於新堂L雖然無特定主題，但憑住豐富想像力，創作出與別不同嘅成漫作品，好似其代表作《新堂L的文化人類學》便充分體現佢呢種特點。
新堂L嘅父親係日本人，母親係美國人，出生於紐約嘅佢，受到鍾愛漫畫嘅父親影響，自小接觸好多日本同美國漫畫，當中尤其最愛日本漫畫，故此佢積極學習日文，高中時期萌生成為漫畫家嘅夢想。為咗可以達成夢想，佢臨摹日本漫畫，慢慢鍛煉出唔錯嘅畫功，同時開始創作漫畫。不過當時佢覺得自己嘅實力未夠，於是到藝術大學修讀繪畫，為畫功打好基礎。正因為咁嘅緣故，如果大家有睇過佢創作嘅漫畫，就會發現佢筆下嘅角色雖然充滿日本風格，但係角色嘅表情同肢體動作卻滲透着美國漫畫富有鏡頭感嘅特色，營造出一種特別嘅個人風格。大學畢業後，即2006年佢隻身去到日本發展漫畫事業，加入成人漫畫圈，並且積極發表作品，擅長創作特殊題材嘅佢，主題相當多元化，從純愛到凌辱題材乜都有，而共通點係有劇情鋪排，唔會只有啪啪啪嘅場面，因而被成漫迷視為具有深度嘅成漫作品，講到其代表作，就係《新堂L的文化人類學》喇！
《新堂L的文化人類學》收錄咗7個單元故事，當中尤以巨大八爪魚同喪屍粉曲奇兩個故事最為過癮。巨大八爪魚故事講述總一郎去到位於太平洋沿岸某條古老漁村，調查當地持續百年嘅巨大八爪魚傳說。
總一郎同兩名女助手宮下同櫻去到漁村後，被當地漁民警告夜晚不得外出，總一郎覺得有可疑，決定翌日朝早進行調查，點知宮下卻暗中進行夜間查探，卻意外遇上一名流浪漢，並被拐到一處神秘地方，慾望高漲嘅宮下喺半失神嘅情況下，跟對方瘋狂啪啪啪。喺旅館等待嘅總一郎同櫻，則被旅館老闆娘告之，原來每年呢段日子巨大八爪魚都會上岸，跟村內年輕女孩交歡，為咗保護不知情嘅外來人，村民先至叫佢哋唔好夜晚外出，咁究竟宮下嘅下場係點呢？
至於喪屍粉曲奇嘅故事，發生喺原始部落嘅凌辱調查行動之後。話說總一郎嘅朋友愛麗兒教授表示之前曾經調查過西非嘅巫毒教，傳說呢個神秘宗教具有操控喪屍嘅能力，而佢發現原來教中人士利用一種名為喪屍粉嘅物質操控他人，而愛麗兒則用咗呢種粉嚟做曲奇，諗住進行實驗，卻意外被宮下食咗！宮下覺得不適要先行回家，卻喺路上出現各種色情幻覺，不知不覺間上咗一輛長途貨車，並瘋狂地跟司機啪啪啪。處於情慾錯亂中嘅宮下，腦海中不斷有聲音叫佢往西邊走，而故事嘅結局更係出乎意料！
書名：《新堂L的文化人類學》
作者：新堂L
出版：Mujin Comics
頁數：278頁
撰文：魂