日本寫真界有好多混血美人兒，由於擁有歐洲人血統，令佢哋面孔氣質獨特，身材亦比好多寫真妹更加玲瓏浮凸，例如擁有俄羅斯血統嘅小林惠美就係一個好例子，至於村上友梨亦唔例外。樣子嬌美迷人又帶童真嘅村上友梨擁有德國血統，難怪身材生得高挑又豐滿，佢就係憑呢副胴體喺寫真界突圍而出，更加喺選美活動「Miss FLASH 2009」奪得冠軍。有人話經過多年發展之後嘅村上友梨面孔日漸成熟，散發出親切姊系氣質，但係亦有人認為友梨依然係剛出道嘅妹妹仔，不過兩者都同樣充滿治愈力同青春活力。而友梨喺本作《さいごの願い》當中繼續將活潑風格大肆發放，換上性感少布嘅打扮跳跳跑跑冇時停，真係青春無限好！