喺香港作為電視觀眾，家陣可以睇嘅免費電視頻道多咗好多，但係比起日本嘅電視觀眾，我哋嘅電視頻道就少得可憐喇！至於收費頻道方面亦一樣，至少冇Paradise TV提供嘅成人頻道可以欣賞！提到Paradise TV，相信唔少朋友都好懷念曾經瞓身效勞嘅三位好色女主播，佢哋就係原美織、玉城麻衣以及美泉咲喇！三位女主播同樣都係AV女優出身，今年3月同頻道告別後，有人作舞台發展，亦有人繼續喺AV界演出，早前佢哋再次合體，一齊舉行「元女主播和角色扮演校友會」同粉絲們見面。活動一開始，三位女主播先同粉絲舉杯敬酒，不過有酒又點可以無佳餚呢？大會預備咗好多食物，例如關東煮、肉丸等招呼大家，三位女主播更加貼心到餵粉絲食嘢添！大家飲飽食醉後梗係要欣賞表演啦，三位女主播分別喺舞台上表演換衫，雖然有臨時布簾遮住，但係女主播嘅頭同腳都畀大家睇晒，若隱若現嘅換衫表演成功令現場粉絲興奮大叫！當原美織換上水手裝，玉城麻衣換上啦啦隊裝，而美泉咲則換上所屬組合「gingin♂girls」制服之後，就進入攝影環節，兼送出多件私人物品作抽獎之用。