美少女團體「Idoling!!!」歷來都為藝能界作育英才，培養出好多優秀嘅女新人，而佢哋每每青春嬌美且身材一流，好似近期人氣火紅嘅谷澤惠里香同森田涼花就係好例子，最近亦有位後輩跟隨佢哋嘅步伐出嚟大賣性感，佢就係長野瀨里菜喇。今年21歲嘅瀨里菜喺上年剛滿20歲，就下決心脫離効力八年嘅「Idoling!!!」，實行單飛發展，主要演出都係以電視節目以及登台演唱為主。
瀨里菜可能見到前輩們個個拍水着寫真都成功上位，最近決定有樣學樣，相隔六年半再推出個人寫集真，書名叫做《TOKYO INCIDENT vol.1》。當中，瀨里菜會帶大家欣賞東京入黑後嘅景致，返到室內仲會大玩內衣誘惑以及嚟個出浴濕身，將醞釀咗足足六年半，以往唔能夠展露人前嘅性感魅力盡情發放！
售價：約HK$138
撰文：賢