日文中雖然有唔少漢字，但係意思好多時同中文有極大分別，好似今日係「手袋の日」，而當中嘅「手袋」大家知唔知係點解呢？每年喺呢個節日嘅前後日子，唔少風俗店都會推出「手袋套餐」，究竟所謂「手袋」係乜家科呢？
原來喺日文中嘅「手袋」係手套咁解，因此「手袋の日」亦即係「手套之日」。由日本手袋工業協會喺1981年制訂嘅「手袋の日」原意有兩個，一個係提醒大家到咗冬天，需要用手套嚟保護好雙手，而另一個意思則係用以感謝經常進行手部勞動嘅人士。
睇過上次關於「護手霜之日」同風俗行業關係嘅報道後，大家都知道日本嘅風俗服務有唔少都同雙手有關，手部護理相當重要，因此風俗孃零舍重視呢個日子絕對有道理。不過其實仲有另一個理由，卻係同風俗服務有關，原來唔少日本風俗店都會提供一種名為「手套遊戲」（手袋プレイ）嘅收費服務，玩法係風俗孃先戴上手套，然後為玩家提供手作服務。由於呢對手套係一次性使用關係，故此需要額外收費，價錢由100日圓至3,000日圓不等，視乎款式而定。
有男士認為手作服務最重要係質感，最好就係透過重要部位感受風俗孃一對玉手嘅溫暖，感覺相當銷魂。既然係咁，點解又會有「手套遊戲」呢種玩法呢？據化名奈央（なお）嘅日本前資深風俗孃表示，撇除部分男士對手套有特別癖好之外，因為透過唔同質料嘅手套可以帶嚟唔同嘅快感。原來有唔少資深嘅風俗玩家因為體驗過太多手作服務關係，對於風俗孃嘅玉手已經失去性趣，因此佢哋更加樂意額外畀錢享受「手套遊戲」服務，透過唔同嘅質感令自己更加興奮。對於風俗孃嚟講，佢哋更係樂於玩家選擇「手套遊戲」服務，事關有手套保護雙手，令手部皮膚冇咁乾燥。
前資深風俗孃奈央指，風俗店最常見使用嘅手套款式有兩款，分別係黑色橡膠手套同醫護用白色膠手套，當中尤以後者最為常見，除咗因為價錢平之外，同時質地夠薄，既可以帶畀玩家手套嘅感覺，同時又可以Feel到風俗孃雙手嘅溫暖感覺。不過，講到風俗孃最愛嘅手套，原來另有他選，就係一款名為「女優的手套」（女優さんの手袋）嘅網狀手套，每對售價1,620日圓（約113港元），雖然價錢唔算平，卻因為佢可以保護水晶甲以及夠透氣，同時網狀設計提升摩擦力，最重要係入浴時可以令情趣潤滑劑有效地留喺手上，同埋可以令沐浴露產生大量泡沫，絕對係玩「手套遊戲」嘅最佳拍檔咁話。
雖然日本有唔少風俗店都提供「手套遊戲」服務，但講到最多日本玩家給予好評嘅風俗店，就要數呢間位於東京鶯谷嘅M系出張風俗店「Pantyhose」。店內一班風俗孃嘅手技玩得出神入化，固然係獲得高人氣嘅原因，此外佢仲有一個賣點，原來一般風俗店提供嘅「手套遊戲」服務，只係喺服務中多咗一對手套咁簡單，不過呢間風俗店就唔同，皆因玩家不但可以喺喱士、橡膠、尼龍等唔同質料同款式中揀選一對心水手套之外，服務內容亦唔單止提供一對手套，仲包埋後花園按摩同玩樂，對好此道者別有吸引力。不過，有咁好嘅服務，就梗係一分錢一分貨啦，服務收費盛惠3,000日圓。
撰文：魂