名人明星最怕談政治，但脫星剛好相反，床上床下乜都敢講，公開表態都未驚過，而傳媒亦好抵死，最鍾意搵人氣脫星講政治，就好似今年美國總統大選，就搵嚟Digital Playground合約一姐Eva Lovia暢談支持邊位做總統喇！早前Eva妹接受EveryJoe.com專訪，談性說性之餘，亦不忘表態支持特朗普（Donald Trump），佢嘅理由簡單直接，統一稅率（Flat Tax Rate）。
或者阿妹真係交好多稅，所以講到明若然對方出選，屆時會投票畀佢喎！而其實阿妹都唔係第一次係公開訪問中講政治，早喺2月AVN頒獎禮後台，阿妹就接受網台訪問，都講過會支持特朗普，似乎完全無擔心過四仔迷會因為咁而討厭佢，一般人可能會認為Eva妹無非想靠抽水出位，但呢位心理學學位（Psychology Degree）畢業嘅脫星，自言行每一步都深思熟慮，更清楚網友會有乜嘢反應，咪以為阿妹真係隨口噏下就算，正如佢喺另一篇專訪中曾經提醒各位有志加入脫星界姊妹，喺四仔界講乜做乜都唔好驚，最重要清楚自己目標做番自己就有運行，點解咁似特朗普嘅！話時話特朗普今期咁出位，美國四仔廠Hustler都忍唔住整套惡搞四仔《The Donald》抽水，上網有得賣喇！
網址：http://pornvalleymedia.com/?p=18643
撰文：祖