Riley Reid靠紋身上位

一講「檸檬水」，四仔迷就會心微笑，皆因諗起脫星Riley Reid嘅背脊紋身「生活帶來您時檸檬做檸檬水」，實在太爆太礙眼，尤其係亞洲四仔迷更係恥笑多年。查實Riley Reid嘅原意係想講「When Life Gives You Lemons, Make Lemonade」，意思係「當生命給你又酸又苦嘅檸檬時，你可以把它做成又甜又好喝嘅檸檬汁。」點知阿妹用網上軟件工具翻譯，搞到文法錯晒！對於歐美巴打嚟講，呢個「檸檬水」紋身更係睇極唔明，於是佢哋鍥而不捨要搵出答案，當佢哋知道真相後都忍唔住喪笑。咁點解Riley Reid唔剷走個紋身？少年，你實在太年輕喇，近日成人傳媒又再講起Riley Reid個紋身，原來阿妹紋完之後都知道(火羅)咗，曾經有洗走紋身嘅念頭，但當佢發現網上不斷有人搜尋佢個紋身後，阿妹就知道呢個紋身可以幫佢上位，加上佢性格樂觀，希望憑住呢個紋身可以將歡樂帶畀其他人！諗深一層，Riley Reid真係講得無錯，坊間N咁多位紋身脫星，紋到全身冇忽好肉嘅大有人在，但係要記得佢哋個名，睇怕都噏唔出3個，反而Riley Reid成為紋身脫星Icon，所以今日冇人再恥笑阿妹喇！