東方龍獅香港飛馬爭崩頭

足總盃最後一場8強大戰於旺角場爆發,由東方龍獅硬撼香港飛馬。貴為聯賽「2哥」的飛馬近況甚勇,上場作客廣州贏波更把士氣推上高峰!另邊廂「藍衫軍」東方突然陷入傷兵潮,惟主帥李健和卻表示「未驚過」,今仗仍會盡最大努力爭取晉級。究竟雙方哪一隊可以趕上4強尾班車?球迷記得留意東網直播!(東網on.cc周日下午5時30分直播)

東方龍獅近期戰績有所下滑,繼菁英盃賽和陽光元朗,上場聯賽鬥和富大埔又以0比1落敗,主教練李健和指球員狀態其實不俗,下半場也創造了不少攻勢,輸波全因把握力不及對手所致。

陷傷兵潮 「和哥」未驚過

然而,該仗左閘黃梓浩、中場鞠盈智先後退下火線,加上原有的沙巴、勞高、徐德帥、梁振邦、張健峰等多名傷兵,令東方人腳更見緊絀,惟「和哥」卻處之泰然︰「足球就係咁啦,好多因素你未必估計得到,始終我哋都有足夠球員,可以作出調動。其實只要佢哋用盡全力,我相信會方都收貨!」

於聯賽取得3連勝的香港飛馬,球隊上仗作客廣州燕子崗體育場,以3比1擊敗R&F富力,主教練楊正光稱該場贏仗令球員「生晒」︰「喺場地、環境等不利因素之下,加上利馬賽前受傷,好彩大家都能踢出隊形,最終喺客場贏波,令球員信心大增。」

其實雙方早前於聯賽交手,東方龍獅就慨贈飛馬3隻光蛋,今午再於足總盃碰頭,儘管東方近2戰不勝,但「光Sir」仍不敢輕視對方︰「東方始終有一定嘅質素,加上今場係盃賽,我諗佢哋餘下落嚟嘅目標都係喺呢度,相信佢哋都會搏盡。睇番佢哋上場對大埔,可能係天氣同場地影響發揮,但係今次我哋喺5點半開波,相信佢哋會踢得好啲。」至於上仗因大腿肌肉繃緊而缺陣的利馬,經過休息後亦有望復出。

本周賽程

足總盃8強

4月8日(日)

傑  志 Vs 理  文

將軍澳運動場 

下午2時30分

$80、$30(特惠票)

東方龍獅 Vs 香港飛馬

旺角大球場 

下午5時30分

$80、$30(特惠票)

何彥霆報道