- on.cc 東網主頁
- 3月27日 (四)
近年日本電視圈有唔少美人兒投身寫真界，為男士們提供賞心悅目嘅性感演出，而當中唔少更加係做過新聞女主播，好似近期人氣高企嘅G奶氣質美人塩地美澄就係其中之一；除咗佢之外，亦有一位活躍於電視圈嘅氣質美人震撼性登陸寫真界，就係現年28歲嘅泉里香喇！
泉里香溫文艷麗，氣質脫俗出塵，美艷不可方物！靚女之餘，身材仲要高挑婀娜，脹卜卜F奶喺佢未作性感演出嘅時候已經引起觀眾無限遐想！而泉里香喺電視圈有好多作品，例如真人版《美少女戰士》電視劇，另外亦曾經拍過電影，當中包括華語片《吳清源》。由於泉里香知名度高而且美色誘人，喺上年年尾公開咗一系列泳裝寫真照片之後，瞬間成為廣大男士熱烈討論嘅話題，到阿妹嘅首本泳裝寫真集《Rika！》開始接受預訂，銷情極速上升！為炮製呢本寫真集，泉里香特別去到夏威夷拍攝，除咗有好多泳裝玩水場面，泉里香更加會大膽地以內衣上陣，將自己從演以來最性感一面帶畀大家，配合埋極具挑逗性嘅表情，令呢本寫真集欣賞指數同珍藏價值極高，有買趁手喇！
書名：《Rika！》
售價：約HK$188
撰文：賢
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
