今期美國邊位最惹火呢？好多人認為係老特，唔係噃，佢只係喺政治層面上多火頭，點都及唔上「永遠榮譽脫星」Jenna Jameson咁惹火，皆因佢無論喺衣着、飲食、言行等各方面都畀網民圍攻，近日因為一單復出虛假消息成為新聞人物，連身邊人都拖埋落水，睇怕佢兩個Baby，即係老公同BB都怕咗佢囉！
「禍不及妻兒」喺Jenna Jameson身上一定唔成立，事關所有嘢都係由阿姐佢自己一手一腳搞出嚟！無錯，Jenna Jameson又懷孕喇，預產期係8月，之不過當事人並冇因為自己粗身大細而匿喺屋企安胎，好似之前佢就企出嚟力撐老特，由嗰段時間開始，Jenna姐嘅所有社交網已成為反對者每日必到之處，點都要留番兩句言先瞓得着，但係人都知Jenna Jameson唔係好恰，你夠薑辣佢阿姐一定雙倍奉還，而四仔迷梗係食花生睇好戲啦！之後老特當選，Jenna姐更加氣燄囂張，睇佢嘅Twitter放一張同老特合照已經說明一切，但係反對派唔認輸，繼續喺各方面向佢作人身攻擊，無論身材、食啲乜都喪插一番，仲有出入都被「狗仔隊」喪跟，Jenna姐現任珠寶富商老公Lior Bitton真係多得佢唔少囉！但其實佢前夫MMA格鬥拳手Tito Ortiz先係躺着也中槍嗰個，無情情被網民插埋一份！反而最開心得Jenna一個，每日過住闊太生活，買新車，兼喺泳池邊開瘋狂派對，當然唔少得喺網上晒大肚寫真，總之網民愈激氣阿姐就愈心涼囉！
最好笑係四仔公司見Jenna姐咁「抽」得都玩埋一份，早前著名網絡色情公司xHamster籌備拍攝惡搞老特四仔，喺網上公開招募惡搞男優活動後，就對傳媒話Jenna Jameson正積極考慮復出參演。消息一出震撼全美，但係好快當事人就話「Completely False」絕對虛假，鬧爆對方係垃圾四仔公司之外，順便對傳媒話永遠唔會為四仔界腿張開，咁大家清楚晒啦！網民冇花生剝，焦點又再落番喺xHamster套惡搞四仔度，招募活動結果由一位27歲素男Join Cabinet勝出，呢位後生仔當日自拍一段扮老特演講維肖維妙，笑爆網友，而官方就發新聞稿公布其他演員名單，脫星Blair Williams將會飾演「惡搞總統」個女，仲有一班熟女如Julia Ann及 Nina Hartley等演出，而經典男優Ron Jeremy都會客串，令人期待！
撰文：祖