女人比較保守，唔會咁易開口話想要，咁究竟佢哋會有咩性暗示呢？上床之前，男士可以好快就剝光豬準備就緒，但係當男方幫女伴除衫許多時都會遇上困難，因為唔識得解開個Bra。男人花唔花心好容易睇得出，咁出軌的女人又有冇特徵呢？原來比較溫文嘅女仔反而較容易出軌o架！
「寶寶心裏苦，但寶寶不說」呢句潮語可以被無限延伸及改寫，但係喺好多男人心目中，呢句潮語如果改成「女人好想要，但女人不說」可能會更啱用，因為女仔一般比較保守，而且對性事態度比較矜持，就算好想上床都未必會向男方開口。雖然佢哋唔想開口，但係會做出各種帶有性暗示嘅行為！早前，英國雜誌《Daily Star》搵嚟性心理學專家指出女士們嘅性暗示行為，其中一個動作就係側身躺下又或者依靠一下喇！專家話咁樣除咗顯示女方心情放鬆，甚至係已經放低戒心，更加想搵個有床嘅地方「休息」，意思再明白不過啦！第二就係故意畀男方睇到佢嘅內衣，而且仲要係比平常更加養眼嘅內衣，原因係女方準備同男人上床，會特別挑選較為養眼同性感嘅內衣以提升床上自信心。第三就係行街嘅時候女仔特別顯得身體唔平衡咁，成日向男方身體依靠，一來係因為佢想以多啲身體接觸嚟表達想上床嘅心情，二來因為小妹妹已經出現生理反應令佢哋行步路都有少少唔自然，咁男士們識做啦！
有人話女人要綁住男人個人，就先要用美食同靚湯嚟綁住佢哋個胃，至於男人要解構到女性複雜嘅心理又可以點做呢？連霍金都話唔到答案畀大家知，小弟我就梗係唔知啦！不過，喺解構女人心理之前，仲有一個難題係好多男士需要面對嘅，就係解開佢哋個胸圍喇！好多師兄都話胸圍係一個戰略重地，未能夠將其「武裝」解除，女仔始終都有權着番件衫走人，如果成功、順利又快速咁將胸圍除低，女仔坦蕩蕩就變得冇晒抵抗能力喇！之不過，有幾多個男人士識得解Bra呢？從網上可以見到好多外國男士對解開胸圍都毫無頭緒。其實解Bra之前，最好就係先了解胸圍有幾多款式，認清楚個扣喺咩位置，以及正確嘅解扣方法，Click上網可以睇睇各款胸圍嘅解扣方法！
網址：http://www.wikihow.com/Unhook-a-Bra
人心隔肚皮，每個人嘅內心有咩諗法相信只有自己本人至知，好似小弟咁，個樣生得有點猥瑣，但係對住女仔，行為亦不失君子風範，相處落嚟唔少女仔仲話我份人太正經，唔識得點樣氹女仔，搞到本身諗住搵我做床伴嘅佢哋改變主意，只係搵我做個普通朋友就算。又唔早啲講！等我以為女仔鍾意男人有君子風度添！而日本網站「Menjoy!」就有愛情專家分析出軌女仔嘅特徵，亦指出好多女仔一樣係表裏不一，出軌嘅女仔當中唔少都係溫文柔情類型，專家話呢種女仔因為順得人，又難以抗拒其他男人嘅邀請，所以好容易就被約出街，繼而發展出不倫之戀。另一個特徵就係打扮樸實，專家話呢種女仔嘅性格隨和唔容易拒絕他人，而佢哋喺其他女仔身邊唔起眼、不受注目，一旦有男性接近會引起佢哋嘅自豪感，更加容易同呢位咁「識貨」嘅男人相處親密。第三個特徵係用錢謹慎嘅女仔，佢哋之所以小心地運用金錢好可能係受到男友、老公嘅限制，生活得開心極有限，呢個時候如果有男人肯使錢同佢哋食餐豐富嘅晚餐以及送禮物，就好容易令佢哋將原本貧困嘅生活忘記喇。
撰文：賢