提高服務質素增玩家信心

做司機都有罪

好多人都知，於內地經營色情場所及提供色情服務係犯法，咁喺色情場所工作嘅人員亦係犯法，大家又知唔知呢？原來作為載囡囡到酒店進行性交易嘅司機，其實都係犯法嘅。話說2015年10月時，一位陳姓男子收到佢同鄉嘅電話，對方叫陳男到柳州做司機，每月可獲得5,000元人民幣薪金。當陳男去到柳州後，發現原來佢每日嘅工作就係負責接送3名外籍女郎到賓館進行賣淫活動。一直做到去年10月，當陳男如常揸車送外籍女郎到一間賓館進行交易時，卻被警方一網打盡，陳男被檢察機關控以協助組織賣淫罪，理據係佢明知所接載嘅女郎係進行性交易，仍然為對方提供幫助，結果陳男認罪，並等候判決。

最大淫媒被捕

早前台灣一位外號「吳董」嘅52歲男子，因為經營色情場所及控制賣淫而被捕，而呢位吳男認真厲害，皆因佢有雙北（即台北同新北兩市）最大淫媒之稱。話說移民署新北市專勤隊喺去年破獲一個人口販運集團，當中所有證據都指向吳男，經調查後發現吳男旗下嘅應召站多達30個，全盛時期囡囡多達500人，年齡屆乎於20至40歲，當中最紅嘅一對由內地到台灣搵食嘅姊妹花，每日可以賺到10萬元新台幣（約25,000港元）。另外，吳男仲供應賣淫女郎到新北市內多間色情護膚店、卡拉OK等色情場所。此外，為方便監控同管理，佢制定教戰守則，囡囡必須嚴格遵守，仲有佢更對警員行賄。據稱佢嘅淫業王國經營至今10年期間，營業額高達3億元新台幣！

鶯谷韓流式微

對好多人嚟講，日本最著名嘅紅燈區非東京嘅歌舞伎町莫屬，但係喺日本玩家眼中，東京鶯谷至係熱門選擇。講到鶯谷嘅風俗史真係有排講，早喺10年前當日本開始受韓流影響時，當地紛紛出現各種主打韓國風俗孃嘅風俗店，當中大部分都以出張形式經營，數量更多到佔當地風俗店總數嘅6成。時至今日，理論上受韓國文化嘅影響比10年前更大，但係鶯谷嘅韓流風俗店熱潮減退，現存不足1成，導致呢個情況出現嘅原因，並非日本玩家對韓風俗孃嘅興趣不再，而係有幾方面嘅原因，首先呢類風俗店官網內嘅韓國風俗孃，修圖修得太勁，往往同真人判若兩人；其次係收費唔平，120分鐘服務盛惠30,000日圓（約2,040港元），近年日本興起風俗減價戰，呢個價錢絕對係高消費；而最重要嘅一點係，呢類風俗店嘅服務參差，令玩家冇信心去玩。難怪呢類韓流出張風俗店，近年力谷高質服務，希望能夠吸引玩家捧場。

撰文：魂