陰陰沉沉嘅天氣令人情緒低落，而陽光普照嘅晴天就令人心曠神怡，成個人都精神煥發！欣賞寫真女郎亦一樣，充滿陽光氣息嘅女優特別吸引，加埋胴體肉感十足又結實，更加令人醒神！有咁索嘅寫真女優咩？梗係有啦！今日介紹嘅橋本梨菜同久松郁實咪係囉！
所謂一白遮三醜，雪白又滑溜嘅胴體當然深得男士們喜愛，但係雪白胴體又係咪絕對有優勢呢？咁又未必喎！肌膚呈古銅色嘅美人兒別具一番風韻，好似橋本梨菜咁，以「日本一小麥色寫真偶像」之名成功突圍，為古銅美人爭一口氣！梨菜五官標致，雙眼精靈有神，加埋隻兔仔牙，睇落更加可愛又甜美。不過，梨菜嘅身材對男人嚟講就極具殺傷力，胴體豐滿得嚟夠健美，胸前對純天然G奶更係彈力十足，配合一身古銅膚色，喺日本寫真界可以話係鶴立雞群，令人印象深刻！
《戀は小麥色》係梨菜嘅最新寫真映像作品，為配合古銅色胴體，阿妹特別飛到去沖繩取景，以當地嘅優美海灘，將阿妹襯托得更美艷迷人且帶出熱情風格。講到熱情，梨菜演出時展露出陽光燦爛般笑容，亦主動拉高或拉低衣衫，將火辣胴體露得更徹底，就算係隔住個芒都感受到梨菜嘅熱情呀！
碟名：《戀は小麥色》
收錄時間：119分鐘
售價：約HK$279
由於成本問題，日本寫真女郎製作寫真作品多數都喺國內拍攝，只有少數具名氣嘅星級女優至有機會出國取景，一旦發現呢類作品就一定唔使諗，買嚟睇就包保冇走雞，而久松郁實呢位星級寫真界偶像早前就為炮製新作而飛到去南太平洋國家喇！郁實妹今年剛滿21歲，青春魅力同活力都處於高峰期，小弟最鍾意阿妹嘅正統派美貌上面成日都咁好笑容，不論心情幾憂鬱苦惱，見到郁實都會心情暢快兼夾心郁郁，因為阿妹除咗美貌出眾，古銅色嘅胴體亦火辣誘人，健美感十足之餘，上圍對F奶仲彈力非凡！
《それいく! in ニューカレドニア 》就係郁實嘅最新之作，為咗將別具風情嘅映像帶畀觀眾，今次特別去到南太平洋國家新喀里多尼亞取景，喺當地嘅海灘及度假別墅中展露誘人嬌軀，仲會以泳裝姿態進行各種運動，例如打高爾夫球等，更加有人生第一次披嫁衣嘅體驗，嘩！阿妹你唔好咁快嫁人住呀，否則就令好多男人嘅夢想幻滅喇！
碟名：《それいく! in ニューカレドニア 》
收錄時間：80分鐘
售價：約HK$279
撰文：賢