好多男人都覺得自己嘅小弟弟長度不足，因而感到自卑，但係喺女士們心目中，短小唔係問題，最緊要有技巧。人體不同部分，除咗可以反映出健康狀況，亦可以反映出生理狀態。同女伴陷入冷戰，但係又想曳曳，有咩方法可以達到目的呢？
女人普遍都希望自己上圍碩大，憑豐滿上圍吸引異性目光，而男士亦一樣想生得高高大大，同時希望小弟弟又長又大。天生巨鵰當然好，但係生得細小就只好認命啦！咁何謂細鵰呢？根據研究指出，小弟弟喺放鬆嘅狀態下只有3.6吋長，就屬於細鵰男喇！雖然小弟覺得咁講法唔多合理，因為小弟弟會膨脹嘛！唔計埋勃起後嘅長度點得呢！不過，就算放鬆同勃起都只得3.6吋或更短亦唔使怕，新聞資訊網站「Reddit」早前訪問咗多位曾經同細鵰男上過床嘅女性，佢哋都覺得男人細鵰唔係大問題，更重要嘅係唔影響性生活質素，其中一位受問者表示，同細鵰男上床，對方識得透過多種體位令佢得到充足快感，另一位受訪者亦表示細鵰男抽送嘅時候係冇乜感覺，但係對方做前戲夠細心又有技巧，一樣令佢快感滿載。另外，亦有受訪者表示細鵰男人品好、識得同女伴溝通以及細心呵護女伴，足以彌補短小嘅缺點，所以各位細鵰男千祈唔好自卑呀！
曾經有一位懂面相學嘅世伯，佢一見到我就話我面相平平無奇，都係庸庸碌碌，又符符碌碌咁度過一生，起初我都唔係好相信，但係人生度過咗一半有多，發覺世伯又真係所言非虛。其實從面上及身體其他部位，仲可以睇得出一個人嘅「性」格添！早前有生物學雜誌刊出一個研究結果，指出男人嘅右手無名指長度較食指為長的話，該男士通常性慾強，而且睾丸亦特別大。我哋中國人就話人頭尖額窄冇厘貴格，研究亦指出男人下巴較尖，精子質量比較低，相反下巴闊而飽滿就比較精力旺盛且精子質素高，唔怪得面相學亦指呢種人晚年比較有福氣，應該都係因為兒孫滿堂喇。之不過，女人如果下巴較闊就唔多好，研究話呢類女性喺性事方面比較活躍，出軌機會較高！
作為單身人士嘅小弟成日都感到空虛寂寞，但係有拖拍嘅人亦一樣會有相同感覺，原因係同伴侶冷戰。最近，日本戀愛網站「Menjoy!」訪問咗多位男士，睇吓佢哋有咩方法，能夠喺冷戰時期解決性慾問題，綜合眾多受訪男士嘅意見，首先要做出違背良心嘅行為，就係稱讚對方一番，例如讚吓佢今日髮型梳得好靚、個妝化得好迷人等等，讚得幾句自然令女伴心花怒放啦！另外，最緊要記得笑笑口，面上嘅笑容充滿感染力，可以令本身嬲爆爆嘅女伴放下戒備之心，見到你笑住咁上前親近亦唔好意思抗拒啦。最後就係以吻代言，所謂講多無謂，行動最實際，一個深情嘅親吻勝過千言萬語，以熱吻表達濃情蜜意足可以令冷淡嘅女伴為之融化。當然，以上只係參考，做齊晒之後女伴都係唔「就範」，千祈咪霸王硬上弓喇！
撰文：賢