戀愛令人着迷，全因過程令人難以估計，其實想令女伴喺床上得到滿足，亦需要加入好多對方估唔到嘅元素。香港今個冬天暖洋洋，但係內地好多地方就凍冰冰，不過天寒地凍都阻止唔到一班青春美女以比堅尼示人。喺派對中想吸引異性注意，需要唔少策略，專家教你點樣出奇制勝。
性生活缺乏新刺激，唔單止自己覺得悶，床伴亦提唔起性趣。最近，英國新聞網站Dailystar搵專家為大家講解一下，男人點樣做先可以令床戰更加刺激，令女伴為之着迷。專家首先提到「不可預測性」，建議男士們喺上床前一刻先同女方講自己想做乜前戲同體位，當然各種招數都要同以前做過嘅唔同啦！一來令女方感到你夠主動、夠樂趣亦有計劃，二來咁做令女方覺得估你唔到，新鮮感同刺激感自然增加。專家亦提議喺不同地方開戰，就算搵唔到地方，喺不同時間開波亦可，因為每個人喺不同時間都有不同嘅感受。第三係要多啲讚美，今次讚佢個胸好挺，下次就讚佢皮膚好滑，讚美說話係女仔都受落同感到高興，喺床戰時講多兩句說話，仲令過程冇咁悶，增加彼此嘅交流添。
早前小弟去日本旅行，以為當地會天氣寒冷，甚至有落雪嘅機會，故帶咗一件厚厚嘅羽絨褸，仲一心諗住欣賞雪景。之不過，去到當地至發覺天氣不似預期，小弟一件長袖衫加一件風褸就已經足夠，有幾日仲熱到連褸都唔使着，更慘嘅係返到香港又濕又熱，天文台亦預測今個冬季唔會凍得去邊，不過小弟一邊感到失望，一邊亦充滿希望，點解呢？因為天氣唔凍，出街就有更多機會見到打扮性感嘅女仔嘛！然而，好多地方即使天氣嚴寒亦可以見到性感美女，好似上個月尾，長春一個滑雪勝地舉行宣傳活動，當日大會搵來10個身穿比堅尼嘅美女示範各類雪地運動，火辣嘅演出令現場觀眾個個都睇到入迷，即使身處雪地亦一樣覺得熱辣辣！不過就辛苦咗班靚女要抵受寒冷演出喇！
機會一閃即逝，亦有云機會係留畀有準備嘅人，點樣可以喺聚會當中眾裏尋她，搵到一個最有機會發展嘅對象呢？最近日本網站「Menjoy!」提出三大要點叫男士們留意。首先係謀定而先動，喺聚會當中一定唔只你一個想搵對象，而多數男士們希望突圍而出，會作出好多凸顯威風嘅行為，常見嘅係喺點餐嘅時候諸多主張以及搶嘢嚟做，希望藉此話畀班女仔知自己能幹及有領導風範，呢個時候大家要沉着應對，諗清楚至喺適當嘅時候發表獨到意見，咁就可以令女仔覺得你有智慧又容易相處。其次係留意女仔嘅表情，每當講到搞笑話題，見到對方展露笑容梗係好，但係笑得太燦爛嘅可能真係你講得太搞笑，反而面上只係露出微笑嘅女仔更有機會，因為佢哋唔大笑係基於怕醜，怕醜正係因為搵到合適對象。第三點係喺聚會中段及後段發現有女仔專登接近，並喺其他女仔面對叫你個名，亦代表機會大大增加，因為佢哋咁做係出於霸山頭心態，想喺其他女仔面對顯示出呢個男仔已經成為其獵物。
撰文：賢