香港樂壇有好多歌手同組合，演出機會雖多，但接觸樂迷嘅機會又有幾多呢？相信遠遠不及日本樂壇，好似呢隊由AV女優組成嘅棉花糖3D+，佢哋開演唱會嘅時候經常與眾同樂，最近一次就親手餵粉絲食糖，仲即場送原味底褲添！噢……好索，好正呀！
大概六、七年前開始，日本AV界班女優開始頻密地進軍樂壇，為佢哋嘅AV事業開出一條新血路，湧現嘅AV女優組合相當多，大型嘅有惠比壽麝香葡萄及BRW108，而中小型規模以4~6個女優為主，有由波多野結衣做隊長嘅me-me、成員包括北川瞳，以及周防雪子嘅PINKEY等。不過，經過歲月洗禮之下，唔少AV女團都被淘汰，就算未被淘汰都已經面目全非。然而，成員被換走都唔係壞事，好似棉花糖3D換完人後，成員有阿部乃美久、篠宮由里、彩音遙菜及步美翼，並進化成棉花糖3D+，表現更為優秀！而棉花糖3D+早前趁成立一周年，隆重舉行演唱會。不過當佢哋獻唱嘅時候，突然有兩個妙齡女郎殺入會場，唔通佢哋係棉花糖3D+嘅仇家嚟踩場？非也！原來係兩位女優聖菜有紗及亞須希近日組成嘅二人女子組合「team蛋白酥」，大家個名都係甜品，作為姊妹組合嚟撐場啫！
「team蛋白酥」一出場就向演唱會嘅觀眾自我介紹一番，然後施展渾身解數又唱又跳。棉花糖3D+班前輩見到兩位青春可人兒表演得如此落力，到底有冇驚班粉絲畀佢哋搶走？答案係冇嘅！事關佢哋個個都係知名AV女優，除咗睇得又唱得，嗲功更為了得！不過，輪到佢哋出場嘅時候，嗲功就唔使出動住，轉為使用腳趾公！事源棉花糖3D+出場嘅時候，多謝完班粉絲嘅支持後，就話除咗畀大家睇表演之外，仲請粉絲食棉花糖，只係事前嚟個同室操戈，各成員要鬥用腳趾去夾棉花糖，喺限時之內夾得最多為之勝方，最後就由篠宮由里勝出。輸咗嘅嗰幾位就被罰演出一齣爆笑劇場，為現場增加歡樂氣氛，之後見到粉絲笑到肚痛，於是就請佢哋食棉花糖醫肚。喂！乜啲棉花糖咁熟口熟面，仲有特別氣味？冇錯！呢啲棉花糖就係之前遊戲用過嗰啲囉！
玩完之後，棉花糖3D+就開始載歌載舞，演唱嘅歌曲包括《+》、《HYPER SPIRIT》等。舞台上射燈咁多，加上又唱又跳，棉花糖各成員個個都話熱到成身汗，直情連底褲都濕埋，要即場除咗底底喎！嘩！佢哋雖然係AV女優啫，但唔係開放到當住咁多粉絲面前除底褲啩？原來佢哋用個圓桶形臨時更衣室遮住下半身，然後慢慢除底褲！原味底褲除咗出嚟然後又點呢？咁就梗係送畀現場粉絲索一索啦！經抽獎之後，能夠索到原味底之味嘅幸運兒誕生喇！上到台由AV女優親手頒獎，不過就唔係交到佢哋手中，而係親手用條底褲幫佢「笠」上頭，搞到好似日本漫畫《變態超人》嘅主角咁款！另外，棉花糖3D+成立日為6月份，故特別請出現場6月生日嘅朋友上台嚟個大合照，紀念咁有價值嘅一刻。
撰文：賢