溫鈊怡受保護甜心

男人天生有種保護欲,尤其係當見到楚楚可憐嘅女仔或動物時,保護欲即刻爆發出嚟。如果男士眼前嘅係內地模特兒溫鈊怡嘅話,相信呢種本能更係以幾何級數咁引爆,皆因被喻為網民甜心嘅鈊怡,早已被視為受保護動物。

可愛萌爆

嚟自上海21歲嘅嫩模溫鈊怡,別名溫心怡同溫溫,英文名叫Baby,咪睇佢年紀輕輕,就以為佢嘅模特兒資歷相當淺,事實上,兩年前佢一邊讀書一邊兼職做模特兒,憑住超可愛兼萌味爆燈嘅外形,加埋5呎3吋嘅身高及天然36吋雙峰,可謂正宗童顏巨乳。大學畢業後,佢成為全職模特兒,工作忙個不停,除咗拍攝廣告外,又出席各大小內衣騷,由於形象健康又可愛,更獲得電視台嘅邀請,喺唔同嘅電視綜藝節目中亮相,人氣直線飆升。

雖然現今內地模特兒界中有唔少鈊怡呢類型嘅囡囡,即係走純情同可愛路線嘅美少女,但好似佢不論喺鏡頭前定鏡頭後,貫徹萌爆形象及充滿少女味嘅Model,卻係冇幾多個,故此佢能夠喺競爭激烈嘅寫真模特兒界佔一席位,絕對係實力嘅證明。

進擊網絡

近年唔少寫真模特兒都積極向網絡直播發展,而鈊怡亦唔例外,通過直播嘅畫面以聲影同步嘅方法,令大家能夠更深入認識佢。而鈊怡為咗令網絡直播嘅節目內容更加充實,事前進行好多不為人知嘅籌備工作,例如喺直播前,佢先會揀選合適嘅衣服,不但令大家睇得更加開心,又能配合節目嘅主題。此外,佢又會積極度橋諗吓有乜嘢新內容可以加入節目之中,好似粉絲都知道,佢最大嘅興趣除咗攝影外,就係烹飪,尤其係烘焙蛋糕更係佢最愛,為咗可以令大家欣賞到佢嘅廚藝,佢計劃喺節目中直播整蛋糕。既然佢喺網絡上嘅人氣咁高,梗係唔可以放過利用呢種優勢,所以佢亦會同大家介紹最愛用嘅化妝品牌,自我宣傳之餘,亦可以進行商業宣傳,如此一舉兩得嘅做法,說明佢真係好有生意頭腦。

個人微博

簡介:如果問鈊怡最迷人嘅地方,相信唔少人都認為佢一對巨乳最吸引。其實除咗激凸上圍外,可愛嘅性格亦係佢嘅一大賣點,尤其係當佢遇到唔如意嘅時候,便會喺微博上同粉絲大發嬌嗲,嗲到大家個心都融埋呀!

網址:www.weibo.com/u/5847231846?is_hot=1

溫鈊怡Profile

出生地:上海

身高:161cm

三圍:36、23、35

撰文:魂