所謂早買早享受，遲買就平兩舊，呢個道理喺日本寫真女優嘅攝影會就唔多適用喇！因為寫真女郎未大紅大紫嘅時候，所開嘅攝影會收費梗係會平啲，而成名之後，身價就水漲船高，攝影會入場費當然火速上升啦！唔少上咗位嘅寫真天后更加連攝影會都唔開，龍友想同佢哋影相認真係難過登天，至於即將喺5月4日舉行嘅宮脇麻那攝影會大家就真係要趁早幫襯喇！
23歲嘅宮脇麻那近期人氣上升得相當快，憑住清新脫俗氣質以及火辣身材，上年推出嘅寫真DVD《透明美的》大賣，今年仲躍升成為特攝超人劇集《電腦戰士 RIOT》嘅女主角，演藝前途一片光明，睇嚟好快就可以全身投入演戲行列，唔使拍寫真搵食喇。正因為咁，阿妹嘅團體攝影會大家就要趁早參加，當日每位龍友收費只係7,000日圓，約為500港元，拍攝時間仲有1小時，而麻娜更會着上Cosplay服同水着上陣，抵玩到震！快啲Click上https://tokyolily.jp/satsuei_event/detail.php?category_id=203睇吓點樣報名啦！
撰文：賢