爆房心都震

對男士嚟講爆房已經超興奮，只係如果想爆得更激，不妨考慮呢個被美國網民稱為挑戰心跳極限嘅旅館套房Skylodge Adventure Suites！呢個位於秘魯庫斯科嘅旅館，單係佢所處位置已經夠嚇人，皆因佢設置於懸崖上，更以全玻璃設計而成，換言之住客可以喺無遮擋嘅情況下，欣賞到懸崖嘅「驚人」景色。此外，房內設有雙人房、廁所及客廳，室內設備一應俱全，而旅館仲供應埋免費早餐、晚餐同酒，方便住客自行炮製浪漫又激情之夜。至於點樣入去呢個套房呢？唔好意思，方法得兩個，一係靠攀岩，一係用滑索，兩種方法都可以讓想入住嘅客人，先體驗到未入住先興奮嘅感覺。不過望到個咁高嘅懸崖，呢鋪真係未玩就已經腳仔軟。