貪新忘舊係男人嘅天性，幾乎每個男人都希望每次都有不同床上對手，之不過研究就話新面孔往往令男人持久力下降。好多調查都話上床要令女仔得到滿足，唔一定要延長交合時間，日本一個調查就顯示女仔嘅理想前戲時間比交合時間為長。體位花式多變，到底邊一個體位最能夠令女性得到高潮呢？
好多夫婦結婚多年，感情即使未有轉淡，但係床事則可能隨年月而減少，當中嘅原因可能係年紀大咗，性慾冇咁旺盛，仲有可能係「對咗老婆咁多年，已經冇晒新鮮感啦！仲邊有性趣呀！」想滿足於交歡當中，延長交合時間好重要，呢一點係男人都心領神會嘅重點，之但係同新對手上床，可能因為太興奮而提早洩射，影響交歡質素。美國伍斯特學院一個研究搵嚟多名男士協助，要佢哋喺7星期當中欣賞7隻四仔同時自娛，而頭6隻四仔無論內容同女優都係差唔多，最後一個星期就睇一隻題材同女優都截然不同嘅四仔。研究結果發現，佢哋欣賞第7隻四仔嘅時候比之前更快洩射，研究員Paul Joseph就話箇中原因係同心理有關，對住新對手身心都容易進入亢奮狀態，高潮自然比較快到達，不過Paul補充話，面對新對手雖然會早洩射，但係精子質素會較高，容易搞出人命。
作為打工仔雖然要服從上司指示，但係如果上司乜都叫我快手做、即刻做，我就會感到相當反感，因為好多事情做得太急太快，根本冇可能做得好，甚至可能錯漏百出，到時邊個負責任呢？咪又係我囉！道理亦同做愛一樣，要享受箇中樂趣，切記要做前戲，增加氣氛、培養情緒以及令身體進入狀態先好正式埋牙，日本班OL都係咁話。早前日本一個調查訪問咗200位辦公室女郎，問佢哋認為最理想嘅前戲時間需時多少，當中最多人答嘅係10至15分鐘，其次係15至20分鐘，平均嚟計眾多OL嘅理想前戲時間為18.1分鐘。至於理想交合時間方面，最多人答亦係10至15分鐘，平均理想交合時間為14.6分鐘，照咁睇，日本班OL鍾意前戲多過交合喎。
喺現實當中，現代男人嘅尊嚴愈益受挫，源於女性嘅工作能力愈來愈強，社會地位亦不斷提高，男人要好似以前咁活得充滿威嚴，認真難矣。為咗爭番一口氣，男人通常會從上床着手，希望自己嘅性能力令對方瘋狂尖叫、高潮迭起，從中尋回一份失落已久嘅征服感同尊嚴。要達到目的佢哋會選擇用男上女下同後進式交歡，以君臨天下嘅氣勢行事。然而，在此要對廣大男士講聲對唔住，因為要令女性更快更易達到高潮，以上兩招並不適用。英國情趣用品品牌Ann Summers訪問咗1,000名成年女性，問佢哋最能夠得到高潮嘅體位，最多人答係女上男下嘅騎乘位！調查負責人表示，騎乘位可以畀女士自己控制節奏、力度同進入深度，比起由男人採取主導亂咁出出入入更加容易得到高潮，男士們為咗女伴着想，都係瞓低畀對方騎住啦！
撰文：賢