吉見衣世轉做陪酒妹？

溫香軟肉

小弟除咗係一個狂熱嘅日本AV迷，幾乎每日都會搜集AV界情報，一方面為咗報道畀大家知，另一方面亦係為咗滿足自己。除此之外，本人對於日本水着妹亦相當鍾愛，近年鍾情今野杏南、星名美津紀、高崎聖子同鷹羽澪，當然唔少得吉見衣世喇！雖然衣世嘅人氣唔高，之但係講到樣貌、身材同魅力，絕對唔會輸畀任何一個水着妹。衣世今年27歲，但係少女味不減，而面孔則由包包面變成今日嘅瓜子臉，至於用咩方法變臉，我哋都係心照不宣啦！衣世變靚咗，身材同時亦弗咗好多，身上冇咗肥膩感，而胸前F Cup大肉球依然堅挺，相當難得。更難得嘅係阿妹一身肉哋鮮嫩粉紅且滑溜，呢種咁優質嘅溫香軟「肉」，真係令人食指大動！

引退賣酒

吉見衣世曾以藝名花木衣世拍寫真，於2012年阿妹一度引退，及後用現時嘅名字復出。衣世出道以來一直以其豐滿又鮮嫩嘅胴體，加上甜美又夠萌味嘅面孔作為賣點，演出寫真時風格隨年月而愈來愈激，後來更加連番施展軟體技術，一招立定勾魂一字馬，可謂技驚四座，令廣大水着迷回味無窮。不過，衣世雖然咁索，喺水着界亦甚有名氣，但卻得唔到影視界垂青，演出嘅影視作品寥寥無幾，今年演出嘅電視劇只有《食之軍師》。另外，衣世曾經受負面新聞困擾，事緣喺2013年有人寄匿名信到雜誌社，指衣世同一位欺詐集團首腦拍拖，阿妹回應話兩人的確曾經交往，但已經係以前嘅事，自己同欺詐案絕無關係，事件平息之後，衣世總算再次爭取大家支持。不過，早前衣世表示會工作到今年底，出年就會完全引退，至於衣世會轉行做乜呢？佢話自己好鍾意飲酒，所以會投身同酒有關嘅工作，係咪做陪酒孃呢？衣世話可能會同朋友夾份開酒吧喎。有咁索嘅老闆娘，酒吧唔客似雲來都幾難喇。

個人微博

網址：https://twitter.com/IyoYoshimi

簡介：吉見衣世經常同一班索爆姊妹四圍飲飲食食，玩得不知幾開心，大家想知道阿妹去過邊處吃喝玩樂，就要留意佢嘅微博喇。

吉見衣世Profile

年齡：27歲

身高：5呎4吋

三圍：34F-23-34

撰文：賢