Game艷之談：花心男入莊記

男人天生係咪鹹濕嘅呢？否則點解明明已經有個樣靚身材正嘅女友，仲要周圍搵食呢？其實呢個問題好簡單，因為男人都係貪新鮮，而呢個由日本人氣十八禁遊戲商Silky's Plus嘅新作《根雪的幻影 －白花莊的人們－》，就係講述鹹濕花心男因為愛搵食，最後搞出連串麻煩嘅故事。故事講述男主角萩原重明，自從一年前遇到女友上乃院華穗後決定洗心革面唔再周圍溝女。為咗慶祝拍拖一周年，佢哋去咗華穗相識多年好友藤村藤子所開設嘅旅館白花莊度假。呢間原為女生宿舍嘅旅館，裏面住咗各式各樣嘅美少女，不但對男主角嘅定力帶嚟極大挑戰，而面對眾女嘅色誘，佢更係心如鹿撞唔知點算好。