問女士覺得男人邊個時候最有型，佢哋通常都會答係當男人努力工作嘅時候，原因可能係當知道男人努力工作搵錢畀女人使，當然會令女人產生好感。事實上正在奮鬥中嘅人一般都容光煥發，精神十足，氣場都唔同啲，就好似日本年輕女星外岡惠梨香咁，近幾年密密工作，喺剛推出嘅個人寫真集自然艷光四射喇。
今年23歲嘅惠梨香原先拍水着寫真，後來搵到機會拍劇又拍戲，工作愈來愈多，近期上映嘅電影《原宿但尼爾》又係其最新力作喇。惠梨香最近推出相隔六年嘅個人寫真集《Tokyo Incident Erica Tonooka Vol.2》，從中可以見到惠梨香綺麗咗，女人味又濃咗，一副纖巧又具曲線美嘅鮮嫩身體將會透過內衣以及比堅尼騷晒畀大家欣賞，狀態十足又夠投入之下，舉手投足都咁有攝人魅力，認真值得支持。
售價：約HK$134
撰文：賢