好多新人剛出道時，如果樣子有啲星味，都會被人話似某某明星，叫你做小某某某，就好似今日要介紹嚟自台灣嘅曾妍希，由於阿妹有輯寫真造型，好似日本AV天后雨宮琴音，自此畀人封為「小雨宮琴音」，與性感結緣！
今年廿六歲嘅曾妍希，英文名字叫Dora，大約出道三、四年左右，讀大學時修讀歷史，但同其他模特兒一樣，為咗賺啲生活費，所以一邊讀書一邊做兼職模特兒，當時主要係當外拍，由於曾妍希樣子清秀，身材出眾，所以一直深受龍友們嘅歡迎，後嚟有人搵佢做雞排代言人，由於衣着性感令產品大受歡迎，因此仲被網友封佢做「雞排姊姊」，自此工作不斷，期間仲做過動漫展覽場嘅騷女郎。由於個子高挑，酥胸長腿加上動漫戲服，每次出場都令人流晒口水，亦因為身材出眾，所以同時亦開始做埋腿模工作，接拍性感美腿寫真，而其中有一輯以水手裝校服示人嘅照片，由於出嚟嘅效果似足日本著名AV女優雨宮琴音，隨即被人封為「小雨宮琴音」，自此只有走性感之路！
曾妍希上圍數字只得32吋，但就有D級，所以拍攝性感照片時效果非常突出，稍為擠弄一下就會出現波濤「胸」湧嘅效果，粉絲們當然拍爛手掌，加上165cm嘅身高，對美腿就有40吋長，曾妍希稍稍性感一下就已經十分搶眼，特別喺展場上毫不輸蝕畀啲巨乳小妹，有人問佢仲可以性感幾耐？佢話唔同年紀嘅人，就有唔同嘅性感，只要自己一直喜歡做呢行落去，就會一直性感，直至觀眾睇厭為止！其實大家又唔使替佢擔心，台灣嘅性感模特兒壽命比內地同香港都長，廿五、六歲一啲都唔老，反而正正係當打之年，睇嚟曾妍希仲有排紅呀！而且佢仲開始學習喺展場上擔任埋主持工作，見佢介紹氣定神閒，講嘢有條不紊，絕對有大將之風，不久將來一定成為新一代性感偶像！
簡介：曾妍希嘅facebook裏面收錄咗好多寫真，除咗平時拍嘅性感寫真外，仲有好多其他生活同工作照，但同樣精彩，因為阿妹平時都好性感吓！
網址：http://www.facebook.com/Doradoradoradoradora
出生地：台灣
三圍：32-24-34
身高：165cm
撰文：龍四海