渡海濠情：色情物品 大有市場
臨近聖誕巴黎市中心出現一棵聖誕樹，但外形太似「肛塞」於是遭人反對，放咗幾日就畀人換咗，但「肛塞」印象就深入民心，附近性商店竟遭人搶購「肛塞」做飾物，嚟自9號會所嘅小萱就話：「鹹濕嘢真係好搶手！」
巨乳蛋糕
小萱話：「我以前喺蛋糕店做過，嗰間店嘅師傅做乜嘢糕點甜品都好好食，媲美啲五星酒店大廚嘅級數，但佢做嘅蛋糕，日日做幾多就丟幾多，偶爾賣到一個半個，已經好好生意，亦因為冇乜生意，所以我工作量十分清閒，日日玩手機玩到收工，後嚟有客人訂造壽桃形嘅生日蛋糕，師傅話做壽桃唔係佢專長，但難得有人搵佢，所以佢就徹夜研究，但做咗十幾個樣板出嚟都唔似，於是一氣之下將蛋糕改為巨乳蛋糕，第二日返到蛋糕店見櫥窗冷櫃內全是巨乳，心諗邊有人買？點知半日唔夠十幾個全部賣晒，跟住仲大把人爭住嚟訂，起初我哋只接巨乳蛋糕，後嚟巨臀蛋糕、巨陽蛋糕，甚至正宗黑森林蛋糕都有人訂，師傅即時盤滿鉢滿，但就因為工作量大增，所以撈唔落去！」
客人騷擾
師傅搵咁多冇加你人工咩？小萱話：「佢當時有加我人工，但生意實在太好，開店十個鐘，我就要做足十個鐘，本來辛苦都冇緊要，但客人愈嚟愈變態，啱啱開始時就算男人嚟買蛋糕，都會怕怕醜醜咁買完就走，但後嚟啲客人會不斷性擾騷你，例如問你個蛋糕有冇35吋咁大？又問係F級定係G級？最常問就係胸前兩點，要其他顏色得唔得？仲有啲更過分嘅就係直接騷擾我哋啲女職員，例如照你個胸幫我做一個？甚至問你胸前兩點似黑草莓定係紅草莓，成日畀佢哋問到口啞啞，後嚟個個後生女職員都走晒，師傅只有搵班師奶嚟對付客人，據講啲客人反而被師奶們抽水食豆腐，真係一物治一物，但講到底，就係做啲鹹鹹濕濕嘅嘢，市場特別大，有時大到你想都想唔到！」
小萱Profile
年齡：21歲
三圍：33-23-34
撰文：小德
攝影：阿昌a