情趣玩法有好多，其中一個就係用食物嚟調情，但喺唔適當嘅時候做啲咁嘢，後果會好麻煩。好似呢位男網民稱佢同女友一直都有用橄欖油、朱古力醬、蜜糖等嚟調情，佢話：「女友起初都唔制，後嚟試過後覺得好過癮，而當用埋情趣潤滑劑後，感覺更係刺激，所以我哋Keep住經常咁玩，點知早前佢生日時我就玩出火！當晚我訂咗間酒店，仲準備咗個勁多忌廉嘅生日蛋糕，因為記得有套四仔係用忌廉搽喺對方身上，既刺激又過癮，諗住女友一定鍾意。最初成件事都按計劃進行，而女友嘅反應亦相當激烈，點知當我準備用蛋糕上嘅忌廉搽喺佢身上時，佢即刻鬧爆我做乜拎個生日蛋糕嚟玩，我當場呆咗，而佢更發老脾兼走人。今日已經係第三日，佢仲同我冷戰緊，唉，我點知佢會唔鍾意玩忌廉喎！」