渡海濠情：無性戀者伴侶難捱
據專家指出，每一百個人裏面就有一個係「無性戀者」，佢哋會有愛生活，但就沒有性生活，勉強進行性行為，就會好唔舒服，嚟自龍會嘅珠珠就話：「好彩男友唔係！」
借酒行兇
珠珠話：「我有個女同學，佢好愛唔愛愛上一個『無性戀者』，個男仔已經事先聲明，自己係有愛冇性，但由於佢太愛呢個男仔，於是答允冇性就冇性，但日子一天天過，兩人情到濃時都會親親嘴，激動時仲會愛撫一下，但要再進一步時，男方就會中途洩氣，我呢個同學曾經強硬要求入閘，但男朋友點都冇反應，搞到佢最後要去浴室沖凍水涼降火，但人心肉做，忍得一日，忍唔到第二日，我呢個女同學有日灌醉咗佢男朋友，然後自己霸王硬上弓，終於進行咗一次親密接觸，點知男朋友一酒醒，就發晒爛渣，話女朋友唔尊重佢，最後更嘈到話要分手，我呢個同學猛講對唔住，仲話當時自己都飲大咗，唔知道發生咗啲乜嘢事，幾經辛苦解釋，至安撫到佢男朋友嘅情緒！」
怨天尤人
咁樣仲有乜嘢好玩呀，最後點呀？珠珠話：「我呢個同學正值花樣年華，追求佢嘅男仔多到不得了，所以好快就開始一腳踏兩船，平時就同無性男一齊，間唔中就同性愛男尋歡作樂，但過咗個零月，比例就大逆轉，同性愛男天天喺埋一齊，同無性男就一個月見一次面，無性男亦唔係笨，女朋友都變晒心，佢主動提出分手，我呢個同學當然欣然接受，之後一個性愛男都唔夠，仲搵咗兩三個嚟替換添，所以做呢啲無性戀者嘅另一半，真係要好忍得，所以我不時奉勸啲朋友，如果知道自己喜歡嘅人係無性戀者，真係要諗清諗楚至好喺埋一齊，唔係到時唔忍得，怨天尤人就唔好啦！或者做啲背夫偷漢或者背妻偷食嘅行為，就更加係害人害己，好在我個男朋友非常之正常！」
珠珠Profile
年齡：21歲
三圍：34-23-34
撰文：小德
攝影：阿德