大田明奈胸因愛而大

薄身豐乳

娛樂圈當中有唔少藝人雖然冇血緣關係，但係就生得非常相似，好似女食家盧覓雪咁就同搞笑能手阮兆祥生得好似兩姊弟咁。而喺日本水着界亦有類似情況，大田明奈經常被人戲稱佢同水着天后西田麻衣好似孖生姊妹。現年28歲嘅大田明奈生得面圓圓眼大大，精靈有神嘅雙眼令人印象深刻，發出嘅電力更令男人神魂顛倒。如果大家認識西田麻衣的話，仲會發覺明奈同佢生得好相似，而身材方面同樣屬於巨乳型。大田明奈身形纖巧，渾身上下冇多餘肥肉，之不過，世界就係咁唔公平，明奈身材如此纖薄婀娜，上圍卻有一對純天然G奶，更呈現出誘人嘅木瓜形態，令男人食指大動，呢一點同西田麻衣十分相似！不過，各位女士唔使妒忌，事關明奈話自己個胸生得咁大，多年來保持彈力質感，其實係有方法。

關注家鄉

大家有冇發現明奈同麻衣相似之外，仲有少少面熟呢？冇錯！其實明奈就係早幾年出道拍水着寫真嘅巨乳佳人青島明奈，前年先改家陣呢個名字。明奈雙峰巨大養眼，阿妹坦言原本唔係咁大，吓？唔通係後天加工造成？明奈係咪唔想撈呀？咁嘅秘密都隨便公開話畀人知？大家咁諗真係錯晒，首先明眼人一睇就知明奈個胸珍珠都冇咁真，第二明奈表示佢個胸之所以咁大，其實因為有愛，有男友嘅關懷同愛護，所以個胸除咗可以升Cup，仲保持彈性喎。聽到明奈咁講，流露出嘅濃情蜜意真係甜到漏。事實上，明奈本身亦相當有愛心，特別係對自己嘅家鄉。早幾年，阿妹就因為家鄉宮崎縣出現口蹄病、禽流感等情況而為班禽畜以及經濟損失而流淚，近年明奈仲為咗宣傳家鄉，為當地旅業努力四出奔走，更加關注青年事務同防災工作，真係好有愛心！

個人微博

大田明奈最近四出進行宣傳工作，為防治各種大型災難而努力，大家如果Click上明奈嘅微博，就可以知道佢去到邊處做宣傳，同時可以了解防災知識。

網址：https://twitter.com/aoshima_akina

大田明奈Profile

年齡：28歲

身高：5呎3吋

三圍：35G-23-34

撰文：賢