AV達人：Fame Registry四仔獎 公信力最強

人手不足

每年樂壇同影壇都有唔少頒獎禮，為出色嘅歌手、演員頒發獎項，以表揚佢哋於過去一年為業界作出嘅貢獻。之不過，唔少頒獎禮都只係一個商業遊戲，甚至係小圈子選舉。其實，美國四仔界嘅頒獎禮情況亦差不多，好似AVN、XFANZ都係商業性質，而日本AV界嘅SOD大賞更係屬於自己友嘅小圈子頒獎禮添！然而，具公信力嘅頒獎禮唔係冇嘅，好似The Fame Registry Porn Star Awards就係其中之一喇！今年佢已經係第5屆，過往幾屆頒獎禮都喺8月30日宣布得獎者，但係今年就改為10月1日舉行，原因係數據太多，而主辦單位Fame Registry屬坊間自辦性質，故人手有限，需要多啲時間處理數據。

Alexis呼聲高

The Fame Registry Porn Star Awards被譽為美國四仔界公信力最強頒獎典禮，皆因主辦單位本身冇商業成分，所以唔會因為利益關係而派發獎項畀脫星。另外，該頒獎禮歷來都以數據決定獎項屬誰，而數據嘅來源包括從各大網絡搜尋器統計脫星嘅搜尋次數、社交網站及個人博客嘅人氣度等等，每個獎項都有真實數據支持。

至於今年同往年一樣頒發9個獎項，分別係最受歡迎脫星、最耀眼新星、年度專屬脫星、年度熟女、社交網絡迷人獎、年度脫星專屬網站、最多粉絲金髮女郎、最多粉絲棕髮女郎以及最甜美拉丁妹等。根據現時走勢，最受歡迎脫星暫時以Alexis Texas呼聲最高，因為呢位當打年輕脫星長期佔據住Fame Registry嘅人氣榜冠軍位置；至於年度熟女相信係Lisa Ann呢位殿堂級熟女嘅囊中物，冇計啦，Lisa姐出道多年精力同魅力都有增無減，出品多曝光率又高，人氣度絕對係其他熟女脫星望塵莫及。之但係，各獎項最後花落誰家就要等到10月先至揭曉啦！

撰文：賢