脫星抽水博上位不時有，但學似Nikki Benz玩到咁大就好少見喇！話說早前喺冬奧賽事期間，阿妹不停發Tweet緊貼最新戰況，睇佢內容最撐就係冰上曲棍球比賽，正當美國隊輸畀加拿大隊後，Nikki姐就即刻發Tweet表示會以膝上舞慰勞一班美國隊運動員。事隔數日，班選手返晒美國，Nikki姐又再發功，表示歡迎任何金銀銅獎得獎選手去佢表演嘅夜總會，佢免費提供一鑊膝上舞，Nikki更呼籲各得獎選手唔使怕醜，因為夜場設有貴賓廳，保證無外人騷擾喎！本來阿姐呢個舉動都好吸引，可惜佢公開晒夜場地址、聯絡電話、網站兼表演時間，咁咪即係公告畀全世界人知，選手們仲點敢嚟幫襯吖！計我話，Nikki姐呢鋪想借機抽水谷人氣就真！