如果有人問你，願唔願意捐「子孫根」？你肯定唔制。但勢估唔到，竟然有好多男人願意喎！話說冰島有間「陰莖博物館」，展館裏面收藏咗一共280件生殖器，可以話乜莖都有，惟獨欠缺人類嘅寶貝。於是展館上年開始向全世界徵求，睇吓有冇男人願意捐出，起初以為反應一般，點知竟然非常踴躍，目前選出咗兩名侯選者，佢哋都係上咗年紀嘅男人，一個嚟自美國，那話兒有7吋長；另一個嚟自冰島，有5吋長。有網友就擔心將5吋長寶貝放入展館，有啲小兒科，但又有網友話7吋長唔係每個男人都有，千祈咪誤導女士。至於博物館最後會選邊個呢？暫時未有公布結果，相信有咗結果之後，屆時呢間博物館一定會更加矚目。