初次聽到澳門Flame Bar個名時，以為佢係間普通嘅Lounge Bar，卻估唔到係間位於廣場正中央嘅圓形酒吧。Flame Bar不但設計相當破格，而其特色雞尾酒亦同佢設計一樣相當有格調！正如酒吧名字，呢度最出名嘅就係火燄雞尾酒，更有三種唔同嘅口味可供選擇，分別係用冧酒調校嘅「冥王」、伏特加調校嘅「潮」同埋威士忌調校嘅「藍光」，適合唔同嘅酒客因應自己口味調出各具特色嘅火燄雞尾酒。上枱時，火燄雞尾酒更會襯以特色嘅火山、骷髏頭等唔同造型嘅酒杯，單係賣相就已經令人賞心悅目。此外，調酒師喺面前即席表演嘅拋樽調酒技巧，亦令人讚不絕口！若然唔鍾意飲酒嘅話，吧內仲有各種特色果汁供應，不論男女都咁啱飲。