渡海濠情：感情特務囡囡有料到
英國有個三十幾歲嘅女人，佢嘅職業係喺酒吧套人不忠嘅料，據講每次都會輕易成功，出道至今已套到三百幾人不忠嘅料，每次收三千英鎊，即係三萬六千港元，真係認真和味，搞到嚟自9號會所嘅靚女木子都話有興趣做喎！
感同身受
木子話：「我乜都唔叻，最叻就係同人吹水，我用四五分鐘，就可以套到人嘅家庭背景，用十零廿分鐘，真係前世今生嘅資料都攞晒，特別係對啲女人，只要扮晒感同身受，佢哋就會和盤托出，冇嗰句都講埋畀你聽，所以我知道唔少女性朋友嘅秘密，所以要我去套料，絕對冇問題！」咁男性又點樣埋手呢？木子話：「男人仲容易，只要勾引佢哋上床，之後再嚟個欲拒還迎，搞到佢哋欲罷不能，自然保險箱號碼都講埋出嚟，但啲男人十分蠱惑，一次未必準確，要嚟多幾次先至得。」
完事埋手
睇嚟木子真係經驗豐富。木子話：「啲男人唔會隨便講啲秘密出嚟，但喺意亂情迷下就好難講，有啲老江湖會即時亂講一啲嘢出嚟，呢個時候大家咪以為係真，一定要再三反覆引證，到下次上床，搞到佢哋要生要死嘅時候，再問番上次嘅問題，如果答案一致，咁呢個秘密嘅可信性就極高，除咗中途套料，其實完事後男人好想瞓時，亦係套料嘅最佳時機，秘密有九成準確。」睇嚟木子真係好有天分做好呢份工，日後見到木子，咪亂咁向佢爆料呀！
木子 Profile
年齡：21歲
三圍：33-23-34
撰文：小德
攝影：阿生