女人認為男人有「憂鬱嘅眼神」以及「唏噓嘅鬚根」至係最型最有魅力。至於男人一般而言都比較簡單，只要對方靚女又好身材就鍾意。當然，如果眼神略帶憂鬱，就更能吸引到佢哋去探同索。
年紀愈大，就會覺得有好多事情要憂心，例如工作、愛情、前途、家庭等等，所以心情難免冇以前細細個咁開心，咁無憂無慮，眼神都憂鬱唔少。不過，呢種由多愁善感而來嘅憂鬱眼神，卻又會成為成熟男人或女人嘅其中一種吸引力，木口亞矢就係一個好好嘅例子喇。今年27歲嘅亞矢早於2000年出道，由於當年阿妹年輕貌美，青春可人，所以被提拔成為偶像預備軍「ANGEL EYES」嘅成員，之後再進身藝能界，同時成為水着女優。亞矢表示自己最鍾意就係蒲，不過唔係蒲夜店，而係蒲健身室，所以阿妹身材Fit到漏晒油，加上鮮有曝光於室外，所以胴體白滑得嚟肉地結實，特別係條水蛇腰又幼又好睇。
出道以來，亞矢都予人一種充滿陽光氣息嘅形象，全因佢成日都笑，而且仲紮紮跳，活力可愛嘅一面感染得欣賞佢嘅朋友都充滿活力。亦因為咁，亞矢成為唔少綜藝節目嘅常見嘉賓，從而令人氣漸漸提升。亞矢人氣愈來愈高，令佢獲邀加入唔少模特兒團體，例如「4TUNE」，同時經常擔任賽車女郎。之後，亞矢仲拍過唔少電視劇以及電影，仲試過擔正做電影《機器人日本藝伎》嘅女主角添。多方面發展嘅亞矢上去綜藝節目亦不忘發揮活力。某一次，阿妹上到電視節目《男人阿姨+》嘅時候，表示自己練過泰拳仲即場示範踢木板添。而隨住時日過去，加上經歷多咗，亞矢換來嘅係一派成熟以及一對令人心醉神迷、令男人好想將佢一抱入懷，再細心安慰嘅憂鬱眼神。
木口亞矢近期成日蒲夜店，同班朋友盡情玩樂，想知道佢最近去邊度蒲，可以Click上其個人博客。
網址：http://ameblo.jp/kiguchi-aya/
年齡：27歲
身高：5呎3吋
三圍：35-22-34
撰文：賢