一網成淫:I 級女神偷窺狂

日本I級女神手島優,之前被日本網友爆料指她報細數,原來她今年已經足足30歲。日前她承認此事,表示出道8年以來,一直都報細兩年,原因是當年她出道時已經21歲,經紀人公司認為女優21歲才出寫真集太老,擔心銷量問題,於是就叫她報細兩年,手島優表示相當抱歉。其實只不過報細兩年,都唔係咩大罪過,最緊要佢身材係真材實料。不過同時間傳媒又揭發佢有暗戀癖好,不惜搬去暗戀對象家居附近,偷窺對方嘅日常生活,行為有點怪怪!

網友反應:日日:X~X

日本妹真係零舍多花臣,一時又話自己報細數,一時又話自己係偷窺狂,總之為咗谷人氣,咩都夠膽死,我就唔信佢係偷窺狂,就算真係,相信都無男人會抗拒。

蘿蔔:^v^

我真係好想成為佢嘅暗戀對象,因為佢身材真係好吸引,雖然年屆三十,但係仍然Keep得好好,話二十八都完全無問題,所以我絕對肯獻身畀佢偷窺,滿足佢嘅欲望。

一丁:≧▽≦

手島優作風大膽又敢言,相當受日本綜藝節目歡迎,成日都邀請佢去做嘉賓,所以佢為咗標奇立異,自己製造好多新聞都唔定,喺日本做女藝人,真係好辛苦o架!

撰文:巴戟